my fren call me last night to tell me he fren call he an tell he she got a real nice girl fuh me an dat i would really like de girl an dat i should meet de girl
so i say ok, nice, great. Ah glad she got my best interest at heart and so and so. But who is dis girl, whey she deh, wuh she look like, wuh she want really? cause you know leh nobody doan waste nobody time
so my fren tell me he fren seh is a real nice girl. I gon really like she because she pick she and a whole set of other things she tell he
so i ain able wid all the excitement and surprises and what not. so i say listen, send me a picture and more details.
so me fren tell me he fren seh she gon make all de arrangements fuh we meet and so but they got one more ting.
wuh is it? wuh is it? wuh is it a’ready?!
she seh fuh tell me de girl seh she does only deal with vaccinated men so now is the time for me to do the right thing
she seh de girl seh she does only deal with vaccinated men
hmmm okaaay. I can see clearly now. Hear wuh, tell she fuh tell de girl marco seh he goin straight fuh de booster jus fuh she. forget jab one and too. gimme two booster